Ymwelydd arbennig i'r oedfa gymun 13 Medi 2009.

Saif Capel Cynulleidfaol Bethel dafliad carreg o'r Afon Eiddig ar y bryn uwchlaw pentre bach Parcyrhos, ond islaw prif hewl A482 yng Nghwmann sy'n arwain o Lanbedr Pont Steffan i Lanwrda yn Sir Gaerfyrddin.

Peth peryglus yw gadael y drws ar agor ond trwy hyn o wefan yr ydym yn eich croesawu chwi i gyd, pwy bynnag yr ydych, i ddod i fewn i aros gyda ni am ychydig.  Cewch weld ychydig o fywyd yr achos yma ym Methel.  Sylwch mai ychydig y dywedais oherwydd amhosibl yw crynhoi i gyd holl agweddau bywyd eglwys Iesu Grist. Ond mae’r drws ar agor a chroeso yn eich disgwyl.  Gobeithiaf y cewch fendith wrth ymweld â ni.

Mae'r Eglwys yn rhan o Gyfundeb Ceredigion o

 Undeb yr Annibynwyr Cymraeg.

Neges y gweinidog, Y Parch Huw Roberts: 

Aeth blwyddyn arall heibio a dyma ni wedi dod i 2010, felly, blwyddyn newydd dda i chwi i gyd.  Gobeithio y bydd hon yn un werth ei chofio am y rhesymau gorau.  Nid yw 2009 wedi bod yn un rhwydd iawn i lawer o bobl a hynny am wahanol resymau ond ar y cyntaf o Ionawr efallai eich bod fel fi yn meddwl fod gennym dudalen lan i ail ddechrau,  i gael cyfle arall i wneud y pethau a ddylsem fod wedi ei gwneud yn y flwyddyn a aeth heibio. I gael cerdded llwybr y flwyddyn a pheidio â chwympo i mewn i’r un problemau a oedd wedi dod i’n rhan ni llynedd. 

 Gobeithio ein bod ni i gyd yn dysgu wrth fynd yn henach a gobeithio nad "Henach, henach; ffolach, ffolach” yw hi yn ein hanes ni.  Y ffolineb mwyaf fydd gadael Duw allan o’r flwyddyn newydd hon.  Dyma gyfle i ail-gydio mewn ffydd,  i gysegru bywyd o’r newydd i waith teyrnas ein Harglwydd Iesu ac i gerdded ymlaen i’r dyfodol gyda gweledigaeth glir o ble yr ydym yn mynd iddo, ac wedi hynny, fe fyddwn yn gallu dweud “Henach henach; doethach, doethach".

Cyfeirir at yr achos ym Methel Parcyrhos

yn Llyfr Newydd Alun Eirug Davies

am ei dad T. Eirug Davies

a chyn weinidog yn Methel.

Eirug - Portread Mewn Llun a Gair

Ann, Avril, Llinos, Gwen, Adeline, Eirwyn, Cyril ac Eric yn cyflwyno siec o £1,000 i Adran Oncoleg Ysbyty Caerfyrddin, elw cyngerdd Corisma a gynhaliwyd ym Methel Parcyrhos.

Cwrdd Nadolig yr Ysgol Sul - 21 Rhagfyr 2008

Yr eira wedi'r Oedfa Gymun - 8 Chwefror 2009